Në kuadër të programit Erasmus+ me Universitetin Kirchliche Padagogische Hochschule Vienna/Krems, Austri (https://www.kphvie.ac.at/home.html ), hapet thirrja për aplikim për mobilitet studentësh, për studentët e Departamentit të Edukimit dhe Anglishtes, për vitin akademik 2023 – 2024.
Programet për të cilat mundësohet mobiliteti janë:
- Mësuesi për Arsimin Fillor
- Mësuesi për Arsimin Parashkollor
- Anglisht
Studentët e interesuar, me mesatare mbi 8.5, mund të aplikojnë për studim ose praktikë (duke e specifikuar në formularin e aplikimit bashkëngjitur). Dokumentat e nevojshme për aplikim:
- Formulari i aplikimit,
- CV,
- Letër motivimi,
- Listë notash,
- Certifikatë e njohjes së gjuhës angleze (të paktën niveli B1). Nëse studenti nuk e ka të mbrojtur anglishten do të mundësohet një test nga Departamenti i Edukimit dhe Anglishtes pranë “Albanian University” për përcaktimin e nivelit të njohjes së gjuhës angleze,
- Certifikime të tjera,
- Kopje e një dokumenti identiteti (kartë identiteti ose pasaportë).
Dokumentat duhet të dërgohen të skanuara deri më 31 Dhjetor 2023 në e-mailin: g.hadaj@albanianuniversity.edu.al.
