![](https://albanianuniversity.edu.al/wp-content/uploads/2022/11/317084723_437443055225960_6082081798320962056_n.jpg)
Studentët e Departamenteve të Edukimit dhe Anglishtes dhe Psikologjisë së Përgjithshme të “Albanian University” marrin pjesë në kuadrin e veprimtarive kushtuar 50-vjetorit të Kongresit të Drejtshkrimit të Gjuhës Shqipe“në ditën e katërt në “Ditët e drejtshkrimit”, me temë: “Shqipja e njësuar dhe të folmet arbëreshe” organizuar nga Qendra për Hapje dhe Dialog (COD) në Bibliotekën e Kryeministrisë në bashkëpunim me Akademinë e Shkencave të Shqipërisë.
Për këtë temë folën: Akad. Francesko Altimari – gjuhëtar, albanolog, profesor e drejtues i katedrës së Albanologjisë në Universitetin e Kalabrisë dhe Akad. Matteo Mandalà – studiues, antropolog, profesor e drejtues i katedrës së Albanologjisë në Universitetin e Palermos. Akademikët e shquar trajtuan rëndësinë e shqipes standarde, punën që po bëhet për digjitalizimin e fjalorit të të folmeve arbëreshe si edhe për vështirësitë që hasin në punën e tyre për ruajtjen e pasurive gjuhësore.
Akademikë dhe profesorë , Gjovalin Shkurtaj , Shaban Sinani, Seit Mancaku, Emil Lafe dhe Kaliopi Naska vlerësuan leksionet e akademikëve arbëreshë Francesco Altimari dhe Matteo Manadalà në “Ditët e Drejtshkrimit” në këto ditë të bukura, kushtuar prurjeve shkencore në mbrojtjen e gjuhës shqipe.
![](https://albanianuniversity.edu.al/wp-content/uploads/2022/11/thumbnail_316150055_511533727665005_4830681243070205232_n-1024x576.jpg)
![](https://albanianuniversity.edu.al/wp-content/uploads/2022/11/316936312_437443165225949_9149835557701494400_n.jpg)
![](https://albanianuniversity.edu.al/wp-content/uploads/2022/11/316958061_437443175225948_6510487044602874620_n.jpg)
![](https://albanianuniversity.edu.al/wp-content/uploads/2022/11/316942384_437443228559276_4019788928857249798_n.jpg)
![](https://albanianuniversity.edu.al/wp-content/uploads/2022/11/316940844_437443085225957_3340351739487687487_n.jpg)
![](https://albanianuniversity.edu.al/wp-content/uploads/2022/11/316939622_437443091892623_7984337142799797978_n.jpg)
![](https://albanianuniversity.edu.al/wp-content/uploads/2022/11/thumbnail_316257256_511533297665048_3358511202077345248_n-1024x576.jpg)