FAKULTETI I SHKENCAVE MJEKËSORE
Fakulteti i Shkencave Mjekësore në Albanian University njofton të gjithë kandidatët që dëshirojnë të aplikojnë për një program specializues afatgjatë në fushën e Kirurgjise Orale, në vitin akademik 2023-2024, se dokumentacioni i nevojshëm për aplikim është si më poshtë:
• Formular aplikimi plotësuar dhe firmosur nga kandidati.
• Letër motivimi i/e aplikantit;
• Fotokopje e dokumentit të identifikimit të vlefshëm, kartë identiteti ose pasaportë;
• Kopje e njësuar me origjinalin në Republikën e Shqipërisë e diplomës universitare, të programit të studimit të ciklit të parë “Bachelor” si dhe të ciklit të dytë “Master i Shkencave”, ose të programit të integruar të studimeve të ciklit të dytë, dhe listës/listave të notave. Për rastet e diplomave të huaja paraqitet kopje e njësuar me origlina1in e vërtetimit të njohjes në Republikën e Shqipërisë, e shoqëruar me diplomën /diplomat dhe listën / listat përkatëse të notave ose të një dokumenti tjetër të vlefshëm për regjistrimin në Universitet në vendin ku janë kryer studimet, të lëshuar nga institucioni i arsimit të lartë përkatës. Në rast se njohja e diplomës nuk ka përfunduar ende, kandidati paraqet vërtetim që ka dorëzuar dokumentacionin për njohje në MASR, dhe duhet të dorëzojë dokumentin e njohjes;
• Kopje e njësuar me origjinalin në Republikën e Shqipërisë e dokumentit që vërteton njohjen e gjuhës së huaj, sipas përcaktimit në rregulloren përkatëse të specializimeve afatgjata në fushën e Kirurgjise Orale përkatësisht “Të zotërojë të paktën një nga gjuhët e huaja (anglisht, italisht, frëngjisht, gjermanisht, spanjisht) në nivelin B2, si kriter minimal në programet e studimit të ciklit të tretë të specializimeve afatgjata në fushën e mjekësisë, me kusht që afati i fundit për paraqitjen e shlyerjes së gjuhës së huaj në nivel C1, sipas akteve nënligjore në fuqi, për këtë kategori studentësh të jetë përpara përfundimit të vitit të parë akademik” të programit përkatës;
• Fotokopje e noterizuar e licencës për ushtrimin e profesionit në Republikën e Shqipërisë dhe e dëshmisë së regjistrimit në Urdhrin profesional përkatës;
• Dëshmi penaliteti e vlefshme;
• Mandat pagesa për tarifën e konkurrimit prej 5,000 (pesëmijë) lekë;
• Dy foto personale.
Afati i dorëzimit të dokumentacionit në Fakultetin e Shkencave Mjekësore është deri më datë 06.02.2024.
Data e provimit të pranimit është data 07.02.2024 ora 10.00, salla 33 Godina Ish Gjykata rruga e Durrësit, Tranë.
Fitues shpallen kandidatët që kanë fituar numrin më të madh të pikëve në rend zbritës deri në plotësimin e kuotës së parashikuar të pranimit. Pikët totale janë 100 të cilat ndahen si më poshtë:
50 pikë testimi/intervista me gojë
30 pikë kurse kualifikimi në përputhje me specialitetin
20 pikë mesatarja e notave
PYETJET E PAKOMBINUARA TË PROVIMIT TË PRANIMIT SPA
“KIRURGJI ORALE”
- Etiopatogjeneza e traumave në regjionin OMF. traumat e indeve të buta dhe traumat e indeve të forta.
- Veçoritë e traumave në kohën e sotme përsa i përket faktorit etiologjik dhe traumat e tjera të trupit.
- Klinika e traumave të indeve të buta dhe të forta, diagnoza, diagnoza diferenciale.
- Traumat e dhëmbëve me interes kirurgjikal, faktorët e ndryshëm etiologjik përfshi dhe ato jatrogjen
- Frakturat e rrënjëve të dhëmbëve, etiologjia, klinika, llojet e frakturave, diagnoza, diagnoza diferenciale.
- Mjekimi i frakturave të rrënjëve të dhëmbëve sipas llojit të frakturës.
- Frakturat e rrënjëve të shoqëruara me frakturë të procesit alveolar, etiologjia, klinika, diagnoza, diagnoza diferenciale, mjekimi.
- Mjekimi kirurgjikal dhe terapeutik i frakturave të rrënjëve.
- Frakturat e nofullës së poshtme, etiologjia, diagnoza, diagnoza diferenciale, klinika.
- Frekuenca e frakturave në nofullën e poshtme, aresyet pse takohen më shpesh, cilat janë zonat më të predispozuara.
- Ku lokalizohen më shpesh frakturat e nofullës së poshtme arsyet dhe shpeshtësia sipas lokalizimit.
- Mjekimi provizor i frakturave të nofullës së poshtme, qëllimi i këtij mjekimi dhe si realizohet.
- Mjekimi ortopedik i frakturave të nofullës së poshtme si realizohet, indikacionet e këtij mjekimi.
- Mjekimi kirurgjikal i frakturave indikacionet dhe kunderindikacionet, si realizohet.
- Anët pozitive dhe negative të mjekimit ortopedik.
- Anët pozitive dhe negative të mjekimit kirurgjikal.
- Çfarë synojmë të arrijmë me mjekimin e frakturave?
- Frakturat e nofullës së sipërme etilogjia, veçoritë në raport me frakturat e nofullës së poshtme.
- Vija e frakturës në nofullën e sipërme dhe si dislokohen fragmentet.
- Faktorët nga varet dislokimi i fragmenteve me frakturat e nofullave dhe cili është faktori kryesor sipas nofullave.
- Mjekimi ortopedik i frakturave të nofullës së sipërme indikacionet, si realizohet.
- Mjekimi kirurgjikal i frakturave të nofullës së sipërme.
- Frakturat e kockës dhe harkut zigomatik, etiologjia, klinika, diagnoza.
- Mjekimi i frakturave të kockës dhe harkut zigomatik.
- Frakturat e kombinuara të nofullave etiologjia, klinika, diagnoza, ndërlikimet.
- Mjekimi i frakturave të kombinuara ortopedik dhe kirurgjikal.
- Frakturat e izoluara të nofullave, etiologjia, klinika, diagnoza, diagnoza diferenciale.
- Mjekimi i frakturave të izoluara.
- Ç’është fiksimi unimaksilar, si realizohet,indikacionet dhe anët pozitive e negative të tij.
- Frakturat me armë zjarri, veçoritë klinike dhe të mjekimit.
- Plagët nga armët e zjarrit, etiologjia, veçoritë e plagëve me armë zjarri (plumb, predha).
- Llojet e plagëve në regjionin maksilo-facial sipas agjentit shkaktar, si bëhet mjekimi.
- Plagët e fytyrës, veçoritë klinike dhe të mjekimit përsa i përket trajtimit kirurgjikal.
- Kushtet që duhen pasur parasysh për trajtimin ortopedik të frakturave.
- Kur përdoret traksioni elastic në mjekimin e frakturave?
- Çfarë kushtesh dhe mjetesh duhen për mjekimin kirurgjikal të frakturave?
- Sa kohë qendron fiksimi rigid i frakturave të nofullave dhe nga cilët faktorë varet kjo kohë?
- Llojet e shinave që përdoren për fiksimin bimaksilar?
- Veçoritë klinike dhe të mjekimit në frakturat e fëmijëve
- Ç’janë anomalitë e nofullave, nga se shkaktohen, patogjeneza e anomalive?
- Klinika e anomalive të nofullave, ankesat e të sëmurit, diagnoza, diagnoza diferenciale.
- Anomalitë e lindura të nofullës së poshtme, format klinike.
- Progenia, etiopatogjeneza, klinikat, ankesat e të sëmurit.
- Prognatia, etiopatogjenza, shenjat klinike intra dhe ekstra orale.
- Mikrogenia dhe mikrognatia si dallohen nga njëra-tjetra, etiopatogjeneza, klinikat, ankesat e të sëmurit.
- Mordeks apertus (open bite). Me çfarë anomalish të tjera mund të shoqërohet, etiopatogjeneza, klinika, diagnoza dhe diagnoza diferenciale?
- Hemihipertrofia dhe hemiatrofia e nofullave shkaqet klinike, diagnoza, diagnoza diferenciale, ankesat e të sëmurit.
- Hemihipertrofia dhe hemiatrofia e indeve të buta të fytyrës, etiopatogjeneza, klinika, ankesat e te semurit, diagnoza, diagnoza diferenciale.
- Çfarë materialesh përdoren për operacionet plastike të regjionit OMF dhe cilat parapëlqehen, aresyet?
- Ç’janë operacionet modelante të fytyrës dhe të nofullave dhe kur përdoren (indikacionet)?
- Ku konsiston përgatitja preoperatore në të sëmurët me anomali?
- Në progeni dhe mikrogeni në cilat zona të nofullës bëhet ndërhyrja dhe cilat zona parapëlqehen,arsyet?
- Ç’është osteotomia horizontale e nofullës, në cilat zona bëhet dhe çfarë anomalish korrigjon? Si bëhet fiksimi i fragmenteve të nofullës?
- Ç’është ostektomia në formë ”V” dhe “Y”, ku bëhet dhe çfarë anomalish korrigjon, si bëhet fiksimi i fragmenteve të nofullës?
- Pas osteotomisë ose ostektomisë në çmënyrë bëhet imobilizimi i fragmenteve, materialet që përdoren, kur bëhet fiksimi i kombinuar?
- Në ç’moshë bëhen ndërhyrjet kirurgjikale në anomalitë e lindura dhe cilat janë arsyet? Pasojat që mund të ketë i sëmuri nga mos përcaktimi i saktë|?
- Osteotomia sagitale e nofullës ku bëëhet, çfarë anomalish korrigjon dhe cila janë anët pozitive?
- Si mjekohet progenia (protruzioni) maksilar me prishje të okluzionit vetëm në pjesën anterior të dhëmbëve, si bëhet fiksimi i fragmenteve?
- Progenia totale e nofullës, si trajtohet në fazat fillestare, kur indikohet ndërhyrja dhe ku bëhet prerja e nofullës? Fiksimi i fragmentit të prerë, si bëhet?
- Çfarë qëllimesh ka operacioni estetik facial? Fol për labium dupleks, etiologjia, klinika, mjekimi.
- Ç’është mikrostomia dhe makrostomia, etiologjia, klinika, ankesat e të sëmurit dhe mjekimi?
- Çfarë operacione estetike bëhen në regjionin OMF? Numero disa prej tyre dhe çfarë përfaqësojnë.
- Nga se shkaktohen defektet e fituara të fytyrës dhe buzëve, ankesat e të sëmurit dhe si mënjanohen?
