Bashkëpunim i ” Albanian University” me Universitetin e Ferraras
Fakulteti I Shkencave Mjekësore në Albanian University në bashkëpunim me Departamentin e Stomatologjisë në Universitetin e Ferraras nisi sot Konferencën e Parë të Specializantëve të Ortognatodoncisë dhe Kirurgjisë Orale të dy universiteteve partnere.
Konferenca e cila përmbledh 13 punime kërkuesish shkencorë në fushën e stomatologjisë nga Shqipëria dhe Italia u përshëndet nga zv rektori për Kërkimin Shkencor në Albanian University, Profesor Akademik Emeritus, Anesti Kondilli dhe dekanët respektivë të dy fakulteve organizatore Profesor Giuseppem Siciliani dhe Profesor Erda Qorri si edhe profesoret Prof Dr. pavli Kongo, Livio Gallotini, Masimo Galli e Filip Zoto.
Prezantimet në konferencë pritet të sjellin risi në fushën e trajtimeve dentistrike, por edhe në metodat e reja të mësimdhënies ndikuar nga revolucioni teknologjik si Sfida me të cilat po përballet Shkolla e Stomatologjisë.
