Jemi të kënaqur të njoftojmë se Albanian University ka marrë zyrtarisht Letrën e Award-it nga Agjencia Ekzekutive Evropiane për Arsimin dhe Kulturën (EACEA), e cila konfirmon vlerësimin pozitiv të aplikimit tonë për Kartën Erasmus për Arsimin e Lartë (ECHE).
Marrja e Kartës Erasmus për Arsimin e Lartë përbën një hap të rëndësishëm në procesin e ndërkombëtarizimit të Albanian University, duke forcuar angazhimin tonë për bashkëpunim akademik, mobilitet dhe integrim më të madh në Hapësirën Evropiane të Arsimit të Lartë.
ECHE krijon mundësi të reja për pjesëmarrjen e Albanian University në programin Erasmus+ dhe në thirrjet evropiane ku kjo Kartë përbën një kërkesë, duke mbështetur zgjerimin e partneriteteve dhe të mundësive për bashkëpunim me institucione të arsimit të lartë në Evropë.
Ky është një zhvillim i rëndësishëm për universitetin tonë dhe një mundësi për të vijuar me hapa të mëtejshëm në zgjerimin e partneriteteve ndërkombëtare, rritjen e mundësive të mobilitetit për studentët dhe stafin, si dhe forcimin e profilit evropian të Albanian University.
