Hapet thirrja për aplikim për shkëmbim studentësh në kuadër të programit Erasmus+ me Universitetin e Salernos, Itali
Në kuadër të programit Erasmus+ me Universitetin e Salernos, Itali (unisa.it), hapet thirrja për aplikim për shkëmbim studentësh, për vitin akademik 2022 – 2023.
Fushat në të cilat mundësohet shkëmbimi janë:
· Shkenca juridike – 1 shkëmbim për studim,
· Inxhinieri Elektronike/Inxhinieri Kompjuterike/Teknologji Informacioni – 1 shkëmbim për studim.
Studentët e interesuar, me mesatare mbi 7.0, mund të aplikojnë duke dërguar dokumentat e nevojshme për aplikim:
1. CV,
2. Letër motivimi,
3. Listë notash,
4. Certifikatë e njohjes së gjuhës angleze (të paktën niveli B1). Nëse studenti nuk e ka të mbrojtur anglishten do të mundësohet një test nga Departamenti i Edukimit dhe Anglishtes pranë “Albanian University” për përcaktimin e nivelit të njohjes së gjuhës angleze,
5. Certifikatë e njohjes së gjuhës italiane (nëse ka),
6. Certifikime të tjera,
7. Kopje e një dokumenti identiteti (kartë identiteti ose pasaportë).
Dokumentat duhet të dërgohen të skanuara brenda datës 31.10.2022 në e-mailin: genta.rexha@albanianuniversity.edu.al.
