Në kuadër të bashkëpunimit akademik dhe profesional të Departamentit të Artit dhe Dizajnit, si dhe falë interesit, kuriozitetit dhe angazhimit të përbashkët Student–Pedagog, datë 22.05.2026 ora 15:00, u organizua një vizitë studimore pranë studios së arkitekturës “ONEUM”.
Vizita kishte për qëllim njohjen e studentëve të programit Master Profesional në Interior Dizajn me ambientet moderne të punës dhe programet bashkëkohore të dixhitalizuara të përdorura në fushën e interior dizajnit.
Ambientet bashkëkohore të studios, të pajisura me teknologji dhe kompjuterë të gjeneratës së fundit, si dhe prania e hapësirës “Master Class”, krijuan një atmosferë profesionale dhe komode për studentët, duke u dhënë mundësinë jo vetëm të ndjekin me interes prezantimet, por edhe të praktikojnë drejtpërdrejt proceset programuese të interior dizajnit.
Në përfundim të aktivitetit, pedagogu MSc. Geri Bisha dhe studentët e programit Master Profesional shprehën mirënjohjen dhe falënderimet e tyre për drejtuesin z. Klejdi Rustemi dhe stafin e studios “ONEUM” për mikpritjen dhe frymën e bashkëpunimit profesional.
