Bachelor në “Mësuesi për Arsimin Fillor”

Pika kryesore e programit

Kohëzgjatja

3 Years

Fakulteti

Shkencave Shoqërore

Departamenti

Edukimit dhe Anglishtes

Diploma

Bachelor

Rreth programit

Programi i studimit Bachelor në “Mësuesi për Arsimin Fillor” është licencuar me Urdhër të MASH Nr. 251, datë 02.06.2011 dhe riakredituar me Vendim të Bordit të Akreditimit nr. 10, datë 10.01.2025. Ky program, ofruar nga Departamenti i Edukimit dhe Anglishtes, është program studimi i ciklit të parë, me kohëzgjatje normale 3 vite akademike, 180 kredite (ECTS) dhe forma e studimit është me kohë të plotë.

Ky program përgatit mësues për klasat e ciklit të ulët të arsimit bazë ose klasat I-V si dhe ka si objektiv kryesor pajisjen e studentëve me njohuritë dhe kompetencat bazë që shërbejnë, në punët e përditshme si mësues. Gjithashtu programi i studimit “Mësuesi në arsimin fillor”, i mundëson studentëve thellimin e njohurive të tyre, në studimet e nivelit të dytë në Master profesional në “Pedagogji” me profil “Mësuesi në Arsim Fillor”.

Programi Bachelor në “Mësuesi për Arsimin Fillor” synon të formojë personel të aftë që të punojnë në tregun kombëtar të punës:

  • Në shkolla të arsimit publik apo privat si mësues të ciklit të ulët të arsimit bazë 9 – vjeçar;
  • Në drejtori arsimore rajonale ose zyra vendore arsimore si specialistë të arsimit fillor;
  • Në agjenci publike ose private si specialistë të arsimit fillor;
  • Në OJQ të specializuara për punë edukative si trajnues dhe këshillues për edukimin e fëmijëve të moshës 6-11 vjeç.