Vend Vakant

Tiranë, më 23/06/2026

Vend Vakant

Albanian University shpall vend vakant për:

1. Drejtues Departamenti i Psikologjisë së Përgjithshme, Fakulteti i Shkencave Shoqërore

Kandidati duhet të përmbushë kriteret bazuar në aktet ligjore dhe nënligjore në fuqi.

· të zotërojë titullin akademik Profesor, Profesor i Asociuar ose Gradën Shkencore Ph.D/Dr. në fushën e Psikologjisë

· të ketë eksperiencë në mësimdhënie dhe botime shkencore

· të zotërojë aftësitë e nevojshme profesionale, administrative dhe menaxheriale për pozicionin për të cilin konkuron

· të ketë njohuri të shkëlqyera të gjuhës angleze

· të ketë aftësi të mira komunikimi, organizative dhe ndërpersonale për të udhëhequr me sukses një ekip

· të ketë prioritet udhëheqjen akademike dhe rritjen e departamentit me theks në zhvillimin kurikular, sigurimin e cilësisë dhe zhvillimin stategjik afatgjatë të departamentit

Detyrat kryesore:

a. Organizon dhe drejton punën për hartimin e planeve dhe programeve mësimore për lëndët që mbulon departamenti dhe ndjek zbatimin e tyre;

b. I paraqet Dekanit kandidatët për personel akademik dhe personel akademik të ftuar;

c. I propozon Dekanit masa për shkelje të disiplinës në punë nga personeli akademik i departamentit;

d. Harton në mënyrë periodike analizën e punës mësimore dhe kërkimore të departamentit dhe propozon e merr masa për përmirësimin e mëtejshëm të saj;

e. përfaqëson departamentin dhe vepron në emër të tij në marrëdhënie me Dekanin, Senatin, Rektorin dhe Bordin;

f. në emër të departamentit bën përpjekje të vazhdueshme për krijimin e lidhjeve me institucione homologe dhe promovimin e departamentit;

g. organizon veprimtari të cilat promovojnë arritjet e departamentit nëpërmjet nxitjes së botimeve didaktike-shkencore, përfshirjes ose bashkëpunimit në projekte dhe përditësimit të rubrikave në faqen web të AU-së;

h. ndjek dhe përgjigjet për veprimtarinë mësimore dhe kërkimore të departamentit;

i. organizon dhe drejton punën për hartimin e teksteve mësimore për lëndët që mbulon departamenti;

j. kryen shpërndarjen e ngarkesës mësimore dhe asaj kërkimore të departamentit;

k. bashkëpunon me sekretarinë mësimore në trajtimin e problemeve lidhur me cilësinë e mësimdhënies dhe frekuentimin e përvetësimin e dijeve nga studentët;

l. miraton komisionet e provimeve;

m. propozon përbërjen e komisioneve për provimet e formimit dhe mbrojtjen e temave të diplomave.

Kandidatët duhet të sjellin CV dhe letër interesi brenda datës 29/06/2026, në këtë adresë e-mail: burimenjerezore@albanianuniversity.edu.al